'माङ्खा हत्याकाण्ड पूर्वयोजनाबमोजिम'
चौतारा , माघ ८ - सिन्धुपाल्चोकको माङ्खा ९ का एक ५० बर्षीय पुरुषको हत्या पूर्वयोजनाबमोजिम भएको प्रहरीले निष्कर्ष निकालेको छ । बिहीबार स्थानीय देउरालीमा मृत फेला परेका स्थानीय यमप्रसाद तिमिल्सिनालाई हत्यापछि भीरबाट फ्याँकेको प्रहरीको प्रारम्भिक अनुसन्धानले देखाएको छ ।
रक्तचन्दन तस्करी रोक्न प्रहरीलाई तालिम
ध्रुव दङ्गाल, सिन्धुपाल्चोक, माघ ७- साइटिस महासन्धिले ओसारपसारमा प्रतिबन्ध लगाएको वनस्पति रक्तचन्दन र सुनाखरीको तस्करी रोक्न प्रहरीलाई यससम्बन्धी वन तालिम दिन थालिएको छ। प्रहरीले ज्ञान अभावमा चन्दन र सुनाखरी पहिचान गर्न नसक्दा तस्करी नियन्त्रण गर्न नसकेको निष्कर्ष निकाल्दै यस्तो तालिम दिन थालिएको हो।
थाहै नदिई एजेन्टको सहयोगमा बैदेसिक रोजगारको लागि आफ्नो श्रीमती चिनु तामाङ बहराइन पुगेको थाहा भएपछि सिन्धुपाल्चोक सिङ्पालकाभ्रे घर भै जोरपाटी बस्दै आएका राज दोङलाई पर्नु पीर परेको छ । अचानक घरबाट श्रीमती हराएपछि उनी विगत एक महिनादेखी श्रीमतीको खोजीमा लागि परेका थिए ।
सिन्धुपाल्चोक कला र साहित्यको उर्बर भुमी हो। यही भुमिका दुई साहित्य अनुरागी जीतेन्द्र रसिक र दीपेन्द्र उदासले साहित्य साधनालाई साझा चिन्तन बनाएर नेपाली साहित्यमा नै नयाँ विधाको विकासमा जुटेका छन्। यस क्षत्रेमा अहोरात्र खटेका घरको भुगोल स्याउले गाविस र कर्मथलो नवलपुर (बाँडेगाँउ)लाई बनाउन पुगेका दुई अनुज गजल विधाका राम्रा पारखी हुन् । आफना पेशाबाट अतिरिक्त समय निकालेर एक रफ्तारमा एउटा साधनामा दाजुभाइ जुट्न उदाहरणीय कार्य हो ।