चौतारा १० साउन
सिन्धुपाल्चोक जिल्लाको उच्च हिमाली क्षेत्रका
बासिन्दाहरुले यार्चागुम्बा सङ्कलनबाट राम्रो आम्दानी गर्न थालेका छन् ।
लाङ्टाङ् राष्ट्रिय निकुज क्षेत्रको पेमातल, गुम्बासेत आङले, स्यावल,
ज्यूङ, ठूलो नेफम, सानो नेफम, नागपोखरी र भैरवकुण्ड लगायतका ठाउँहरुमा
यार्चागुम्बा सङ्कलन गर्ने गरेका छन् ।
यार्चागुम्बा संकलनबाट एक जनाले दैनिक ३० हजार रुपैयासम्म आम्दानी गर्ने गरेको गुम्बा गाविसका जरबहादुर तामाङले बताउनु भयो । गाउँमै प्रति किलो १ लाख रुपैया पाउने भएपछि जिल्लाका गुम्बा गोल्चे लिस्ती भोताङ लगायतका गाविसका बासिन्दाहरु गाउँ नै छाडेर लेकाली क्षेत्रमा जाने गरेको गुम्बा गाविसका स्थानीयवासी विष्णुलाल तामाङको भनाई छ ।
असारको पहिलो हप्ताबाट भदौ महिनासम्म सङ्ंकलन गरेको यार्चागुम्बाबाट वार्षिक २ देखि ३ करोड रुपैया हिमाली क्षेत्रका नागरिकहरुले आम्दानी गर्ने गरेको स्थानीय बासिन्दाहरु बताउँ छन् । तर नेपाली व्यापारीहरु पहिल्याउन नसक्दा यार्चागुम्बा चीनको खासा निर्यात गर्ने व्यापारीहरुले ठग्ने गरेका छन् ।
