यो बजार काठमाडौबाट करिब १०० किलोमिटर दुरीमा रहेको उच्च पहाडी भुभागमा
अवस्थित बजार मध्यकै पहिलो र एकमात्र राजमार्गीय बजार हो । समुन्द्री सतहबाट
करिब ७५०० फिट उचाईमा रहेको क्षेत्र नं १ अन्तर्गत पर्ने यो बजार जेठल
गाविस को वडा नं ८ मा पर्दछ । यो बजार रहेको स्थानबाट करिब १ कि.मी को
दुरीमा सिन्धुपाल्चोक र दोलखा जिल्ला अझ भनौ वागमति र जनकपुर अञ्चलको सिमाना
रहेकोले सिमावर्ती बजारको रुपमा पनि लिन सकिन्छ ।
अरनिको बस सेवा समितिको
रुट अन्तर्गत बस सञ्चालन हुनुपुर्व नै स्थानिय बजारको रुपमा रहदै आएको यो
बजार काठमाडौ जिरि गुड्ने सवारी यात्रीहरुको खाजा नास्ता र खाना खाने
स्थानको रुपमा परिचित हुँदै आएको छ । खरिबाट तयार पारिएको विभिन्न सामान
पाईने यो वजारमा सबै किसिमको सरसामान समेत पाईने भएकाले दोलखा जिल्लाको
केहि गाविस का बासिन्दाहरुले समेत स्थानिय बजारको रुपमा उपयोग गर्दै आएका
छन् । वर्षायाममा पानी परेको समयमा मुटु कमाउने गरि जाडो हुँने यस स्थानमा
मकै फापर गहुँ तोरी भएतापनि हाल यहाका कृषकहरुले मुख्य बालिको रुपमा आलु
खेती पनि गरेको पाइन्छ ।
