काठमाडौं आठ वर्षअघि भारतीय निर्देशक रजत
मुखर्जीले लभ इन नेेपाल नामक फिल्म छायांकन गरेका थिए । भारतीय गायक सोनु
निगम र नेपाली नायिका झरना बज्राचार्यले अभिनय गरेको सो फिल्म सुपर फ्लप
भएको थियो । सोभित बस्नेतले सिक्किम पुगेर मिसन लभ इन सिक्किम नामक फिल्म
निर्माण गरेका थिए । त्यो फिल्मले पनि उल्लेखनीय व्यापार गरेन ।
अब चीनको बोर्डर (तातोपानी आसपास पनि)
पुगेर यस्तै नामको अर्का फिल्म सुटिङ गरिने भएको छ । उदय सुब्बाको
निर्देशनमा बन्ने सो फिल्मको नाम रहेको छ- लभ इन चाइना बोर्डर । 'मेरो
फिल्मचाहिँ कन्र्फम हिट हुन्छ,' निर्देशक उदयको दाबी छ, 'कथा नै अजीव खालको
छ । अहिलेसम्म यस्तो लभस्टोरी कुनै पनि नेपाली फिल्ममा छैन । मेकिङ पनि
बबाल हुनेछ । केही सिन हङकङमा पनि सुटिङ हुन्छ ।'
लभ इन चाइना बोर्डरको असार पहिलो साताबाट
सुटिङ सुरु गर्ने चक्करमा छन्, उनी । अहिले गीत रेकर्डिङ भइरहेको छ रे !
दीपक रमणको संगीत रहेको यो फिल्ममा राजेश हमाल, सुवास मेचे, सुनील
थापालगायताक कलाकारले खेल्ने पक्का भइसकेको बताउँछन् उनी । 'साउनदेखि अर्का
फिल्म कर्मदाता बनाउँदै छु,' उदय भन्छन्, 'अहिले यसको पनि गीत रेकर्डिङ
भइरहेको छ ।' कर्मदाताका गीतमा चेतन सापकोटाले संगीत दिएका छन् ।
