कविता

उफ यो जिन्दगी

- बसन्त कुमार श्रेष्ठ, जेठल गा बि स वडा न ९,सिन्धुपाल्चोक

तछाड /मछाड साथ भावनाहरुसग खेल्दै

महा-प्रलयमा डुबेको मेरो जिन्दगी

घात /प्रतिघातको अनगिन्ती चोटहरु सहदै

भुकम्प पछिको अस्त ब्यस्त मेरो जिन्दगी

पिर /व्यथाले दबिएर चिच्याउदै

सुनामी चपेटामा परेको मेरो जिन्दगी

उकुस /मुकुसले ग्रस्त भई रुदै

खुकुरीको धारमा बसेको मेरो जिन्दगी

हत्या /आतंकको चपेटामा परि डराउदै

स्वार्थीहरुको भिडमा किल्चिएको मेरो जिन्दगी

दु:ख /पिडाको सँगमस्थल भई कराउदै

बलात्क्रित पछिको खोक्रो मेरो जिन्दगी

धोखा /छलले हर-हमेशा गाज्दै

असफलताको पहिरोले पुरिएको मेरो जिन्दगी

कुरुप /विरुपले दामनलाई समेटदै

कालले समेत तिरस्कित गरेको मेरो जिन्दगी

अगाडि /पछाडि कोही नभै आतिदै

अर्थहिन,लक्ष्यहिन यो क्षितिजको जिन्दगी

बसन्त कुमार श्रेष्ठ

जेठल गा बि स वडा न ९,सिन्धुपाल्चोक