सीमामा इन्स्पेक्टर विश्व कार्कीको सरुवा माग्दै स्थानीय व्यवसायीद्वारा चार दिनदेखि बन्द तातोपानी नाका सहमतिमा बुधबार राति १० बजे खुलेको छ। स्थानीय प्रशासन र आन्दोलनकारीबीच राति तीनबुँद सहमतिपछि नेपाल-चीन व्यापारिक कारोबार नाका सञ्चालनमा आएको हो । कार्कीले नाकामा 'अनावश्यक कडाइ' गरेको भन्दै व्यवसायी आइतबारदेखि आन्दोलनमा थिए। उनीहरूले कार्की सरुवाको अडान नत्याग्दा यसअघिका वार्ता विफल भएका थिए। कार्कीको 'ज्यादती' अनुसन्धान गर्न छानबिन समिति गठन गर्ने र सो प्रतिवेदनको निष्कर्षका आधारमा उनलाई कारबाही गर्ने, विभिन्न आरोपमा उनले खिचेका विभिन्न व्यक्तिका तस्बिर 'डिलेट' गर्र्ने आन्दोलकारीसँग सहमति भएको वार्ताटोली प्रमुख सहायक प्रमुख जिल्ला अधिकारी गोविन्द सापकोटाले बताए ।
