चौतारा, ७ मंसिर।
‘सिन्धुपाल्चोक
समृद्धिको आधार, जलस्रोत, पर्यटन, कृषि र व्यापार' भन्ने नारासहित शनिबार
सुरु भएको पाँचदिने सिन्धुपाल्चोक महोत्सवको आज बुधबार समापन हुँदैछ ।
महोत्सवको समापन नेपाल राष्ट्र बैंकका
गर्भनर युवराज खतिवडाले गर्ने कार्यक्रम रहेको आयोजक सिन्धुपाल्चोक उद्योग
वाणिज्य संघले जनाएको छ । महोत्सव समापनका अवसरमा स्थानीय राजनीतिक दलहरुले
संयुक्त रुपमा हस्ताक्षर गरी जिल्लाको विकास र समृद्धिका लागि मिलेर काम
गर्ने प्रतिबद्धतापत्र सार्वजनिक गर्ने कार्यक्रम छ ।
यसैबीच आज पर्यटन विकासको सम्भाव्यताका विषयमा सम्बन्धित क्षेत्रका
व्यक्तिहरुसँग छलफल गर्ने कार्यक्रम रहेको छ । नेपाल पर्यटन बोर्ड, टे्रकिङ
व्यवसायीको छाता संस्था ट्रेकिङ एजेन्सीज एसोसिएशन अफ नेपाल टान, नाटा र
होटल व्ययवसायीका प्रतिनिधिसँग छलफल गरिने बताइएको छ ।
महोत्सवका अवसरमा जिल्लाको विकास निर्माणका विविध विषयमा जिल्लास्थित राजनीतिक दलका नेताहरुले जलस्रोत, कृषि, उद्योग तथा व्यापारसँग सम्बन्धित जानकारहरुसँग अन्तरक्रिया गरेका थिए । अन्तरक्रियाबाट आएका सुझावका आधारमा १० वर्षे सिन्धुपाल्चोकको विकाससम्बन्धी १० वर्षे गुरुयोजना निर्माण गरिने बताइएको छ ।
मंसिर ३ गतेबाट शुरु भएको महोत्सवमा डेढ लाख भन्दा बढीले अवलोकन गरेका र आज झण्डै ५० हजारले अवलोकन गर्ने आयोजकको विश्वास छ।
