चौतारा, १ मंसीर
'सिन्धुपाल्चोक समृद्धिको आधार – कृषि, पर्यटन, जलस्रोत र व्यापार' भन्ने मूल नाराका साथ हुन लागेको महोत्वस
तयारी अन्तिम चरणमा पुगेको आयोजकले जनाएको छ । मूलआयोजक समिति र ३१ उपसमितिले महोत्सव तयारी तीव्र पारेका छन् । पर्यटन वर्ष २०११ को अवसर
पारेर आयोजित महोत्सवको उद्घाटन तीन पूर्वप्रधानमन्त्रीहरु माओवादी अध्यक्ष पुष्पकमल दाहाल,कांग्रेस वरिष्ठ नेता शेरबहादुर देउवा र एमाले अध्यक्ष झलनाथ खनालले संयूक्त रुपमा गर्दैछन् ।
परम्परालाई कायम राख्दै सिन्धुपाल्चोक समृद्धिको आधार खोज्नु महोत्सवको मुख्य उद्देश्य रहेको एमाले नेता तथा मूलसमारोह समिति सदस्य सुवास कर्माचार्यले बताए । उनका अनुसार महोत्सवबाट राजनीतिक सहमतिका आधारमा विकासका १० वर्षे कार्ययोजना निर्माण गरी घोषणापत्रको रुपमा सार्वजनिक गरेर त्यसलाई जिविसमार्फत कार्यान्वयनमा ल्याइने छ । यसका लागि महोत्सव अवधिभर शिक्षा, कृषि, वन, पर्यटन, जलस्रोत लगायत छुट्टाछुट्टै विषयमा विज्ञसहितको कार्याशाला गरिनेछ ।
सदरमुकाम चौतारामा हुने महोत्सवमा स्थानीय संस्कृति झाँकी कला साहित्य घरेलु उत्पादनको प्रदर्शनी ख्यातिप्राप्त कलाकारको प्रस्तुती खेलकुद प्रतियोसिगता मुख्य आकर्षण रहनेछन् । यसकै अवसरमा सुनकोसीमा र् याफ्टिङ ,कायाकिङ र क्यानोनिङ जस्ता साहसिक खेलको आयोजना गरिएको आयोजकले जनाएको छ । महोत्सव सफल बनाउन जिल्लामा क्रियाशिल राजनीतिक दल उद्योगी व्यवसायी संघसंस्था एक ढिक्का भएका छन् । सदरमुकाम चौतारा दुलही झैं सिंगारिएको छ भने महोत्सवका पाहुनालाई बस्न आसपासका गाउँमा होमस्टेको व्यवस्था समेत गरिएको छ ।
