नातीबावु धिताल/सिन्धुपाल्चोक
चोकटी गाविस-९ स्थित भूलभूले ओढारमा फेला परेको चारओटा बम ०६८
कात्तिक २८ गते साँझ नेपाली सेनाको एक टोलीले निस्कृय पारेको छ । स्थानीय गाउँलेहरूले फेला पारेको बम चौतारास्थित
नयाँ श्रीनाथ गणबाट गएको डिस्पोजल टोलीले हिजो साँझ ७ बजे निष्कृय पारेको जिल्ला प्रहरी
कार्यालयका डिएसपी बसन्त लामाले बताए । स्थानीय संजे थामी बाख्रा चराउन जंगल जाँदा भूलभूले
ओढारमा बम देखेका थिए । बम देख्ने थामीले ओढारमा बम भएको आफूलाई कात्तिक २८ गते विहान
भनेपछि बम भएतिर जाँदा एउटा जग बम र तिन वटा गोल्टीन बम देखेपछि स्थानीय ताराबाहादुर
गुरुङ्ले तत्काल इलाका प्रहरी कार्यालय बाह्रविसेमा फोन गरी खवर गरेका थिए ।
डिएसपी लामाले सशस्त्र द्वन्द्वको समयमा जमिनमुनि गाडिएका बम हाल जमिनमा देखिएको हुनसक्ने बताए । फेला परेका बम आधा भाग जमिनमुनि नै भएको पनि उनले बताए ।
source : inseconline
