कार्तिक २०/काठमाडौँ
माओवादी जनसेनाहरुको रेखदेख, समायोजन तथा पुनर्स्थापनासम्बन्धी छलफल गर्न सेना समायोजन विशेष समितिको बैठक आज पनि बस्दै छ । प्रमुख तीन दल र मेधसीमोर्चाबीच गत मंगलबार
शान्तिप्रक्रिया अघि बढाउने वियषयमा सातबुँदे सहमति भएपछि विशेष समिति बैठक
बस्न लागेको यो तेस्रो पटक हो । बैठक अपराहृन ५ बजे समितिको सचिवालय
नयाँबानेश्वरमा डाकिएको छ ।
बैठकले समितिअन्तर्गतको सचिवालयले तयार पारेको
विकल्पसहितको पुनर्स्थापना प्याकेज अनुमोदन गर्ने समिति सदस्य
तथा अर्थमन्त्री बर्षमान पुन अनन्तले जानकारी दिनुभयो । यसअघि शुक्रबार बसेको विशेष समिति बैठकले
दुई दिनभित्र पुनर्स्थापनाबारे विकल्पसहितको विस्तृत कार्ययोजना बनाउन
सचिवालयलाई निर्देशन दिएको थियो । दलहरुबीच शान्तिप्रक्रिया अगाडि बढाउन गत
१५ कार्तिकमा भएको सातबुँदे सहमतिमा आगामी मंसिर ७ गतेसम्ममा समायोजन, पुनर्स्थापना र स्वेच्छिक अवसकाशा जान चाहाने लडाकु पुनवर्गीकरणको काम
सक्ने उल्लखे छ । सहमतिमा पुनःस्थापनामा जानेलाई शिक्षा, तालिम तथा
व्यवसायिक अवसरहरुको प्याकेजको विकल्प दिने उल्लेख छ । यस्तो प्याकेज
स्वरुप एवं समयसीमा हेरि ६ देखि ९ लाखको हुने सहमतिमा छ । स्वेच्छिक
अवकासमा जानेले भने नगद ५ देखि ८ लाख पाउने छन् । सबैभन्दा माथिल्लो तहका
लडाकूले ८ लाख पाउने छ भने त्यसपछिका तहमा रहेकाले क्रमशः ७ लाख, ६ लाख र ५
लाख रुपैयाँ पाउनेछ । उक्त रकम दुई आर्थिक वर्षमा किस्तामा दिइने सहमतिमा
उल्लेख छ ।
