जय आले। क्वालालम्पुर, ११ साउन
मलेसियामा एक नेपाली महिलाले झुण्डिएर
आत्महत्या गरेकी छन् । नेपालको स्थायी ठेगाना सिन्धुपाल्चोक भएकी अन्दाजी
३५ वर्षीया शर्मिला गोलेले गत आइतबार आत्महत्या गरेकी हुन । मलेसियाको
राजधानी क्वालालम्पुर नजिकै निलाइमा रहेको एक कम्पनीमा प्याकेजिङ सेक्टरमा
कार्यरत गोलेले सहकर्मी कामका गएको समयमा कम्पनीको होस्टलमा रहेको बाथरुमको
सिलिङमा झुण्डिएर आत्महत्या गरेकी हुन् ।
आत्महत्याको कारणबारे थाहा हुन सकेको छैन । २९ महिनाअघि मलेसिया आएकी गोलेको शव हाल पोष्टमार्टमका लागि स्थानीय अस्पतालमा राखिएको सोही कम्पनीका कार्यरत जिवी लामाले जानकारी दिए । पछिल्लो समयमा मलेसिया आएका कामदारहरुमा आत्महत्या गर्ने क्रम बढेको छ । भनेजस्तो कमाई नहुने तथा ऋणमा डुब्नुपर्ने अवस्था आएपछि वितृष्णा र हिनताबोधका कारण उनीहरुले आत्महत्या गर्ने गरेको पाइएको छ ।
स्रोतः नेपालकुवेत डटकम्