Air Ticketing in Nepal Contact to Merosindhu.com

स्थानिय समाचार

शिक्षकलाई कुटपिट गरी ज्यानमार्ने धम्की

2011-03-13 01:43:04 | मेरो सिन्धु

नातीबावु धिताल सिन्धुपाल्चोक । फागुन २८ गते
लमजुङ जिल्ला इसानेश्वर गाविस-९ घरभई भोटसिपा गाविस स्थित जनता माविका २३ वर्षीय शिक्षक पारसमणी घिमिरेलाई ०६७ फागुन २६ गते दिउँसो भोटसिपा गाविस-४ निवासी पूर्व गाविस उपाध्यक्ष तथा एमाले २ नं क्षेत्रीय सदस्य विष्णु मैनालीले विद्यालय भित्र प्रबेश गरी शिक्षक घिमिरे विद्यालयमा नियुक्त भए वापत पैसा नदिएको आरोपमा कुटपिट गरी मार्ने धम्की दिए ।

पीडित घिमिरेले सोही दिन विद्यालय प्रशासनमा लिखित उजुरी दिएकोमा मैनाली विरुद्ध कानुनी कारबाही विद्यालय ब्यवस्थापन समितिले अधि बढाउने विश्वास प्रधानाध्यापकले आफुलाई दिलाएकोले अन्यत्र उजुरी नगरेको पीडितले बताए ।

पीडितका अनुसार विद्यालयमा शिक्षक आवश्यकता सम्वन्धी सूचना पाएपछि आफुले लिखित र मौखिक परिक्षा उत्तीर्ण गरी नियुक्ति पाएकोमा मैनालीलाई आफु शिक्षक नियुक्त भएवापत पैसा दिनुपर्ने वाध्यता नभएकोले पैसा नदिएको उनले बताए ।

तीन महिना अगाडि निमावि दरबन्दीमा नियुक्ति पाएका शिक्षक पारसमणीसंग मैनालीले रु. २५०० मागेको पीडितले बताए ।

घटनाबारे प्रअ गुणनिधि लम्साललाई सम्पर्क गर्दा पीडक विष्णु मैनाली विरुद्ध कानुनी कारवाही जिल्ला शिक्षा कार्यालय मार्फत अगाडी बढाइने बताए । उनका अनुसार राजनीतिक दलका कार्यकर्ताहरूबाट शिक्षकहरूमाथि भएका यस्ता आक्रमणले पीडित शिक्षक आतंकित भएको बताए ।

- inseconline.org


प्रतिक्रिया दिनुहोस्

प्रकाशित लेख रचना तथा समाचारहरु चित्त बुझे पनि वा नबुझे पनि प्रतिक्रिया लेख्नुहोस् र पठाउनुहोस्। प्रतिक्रिया पठाउँदा कसैप्रति गालीगलौज र अश्लील शब्द प्रयोग नगर्नु होला। तपाइको प्रतिक्रिया सम्पादन पश्चात प्रकाशन हुनेछ। प्रतिक्रियामा गालीगलौज वा अश्लील शब्द भए त्यस्तो प्रतिक्रिया मेट्न हामी वाध्य हुनेछौं।


नेपालीमा टाइप गर्नुहोस् । अंग्रेजीमा टाइप गर्न Ctrl+G थिच्नुहोस् ।

verification image, type it in the box